قــــــورتــــة دووول لكل نوبي


    ذكري عصام عبدالله

    شاطر
    avatar
    حمادةشرقاوى
    مرشحه للأشراف
    مرشحه للأشراف

    عدد الرسائل : 1461
    العمر : 44
    المزاج :
    الجنس :
    تاريخ التسجيل : 09/12/2007

    default ذكري عصام عبدالله

    مُساهمة من طرف حمادةشرقاوى في الخميس أبريل 23, 2009 7:07 pm


    [size=9][size=24]رحل عصام عبد الله زى كل المخلصين والعباقرة اللى بيموتوا قبل الاوان .. عصام اللى قال لو بطلنا نحلم نموت وكأنه قرر انه يبطل حلم فمات .. مات فجأة من غير ما يستاذن احبابه وسبنا وراح راح لعالم من غير احزان من غير وجع من غير دموع وساب لنا كل الاهات بعد ما قال :

    بأكد إنى ماملكش من الأحلام
    سوى الحاصل
    و عارف إنى مهما امشى
    و تِطوَل سكتى
    واصل
    يجوز يغرق فى ليل ألمى
    واعوز اشرب دموع ندمى
    لكن دايماً
    ما بين حلمى وبين المستحيل
    فاصل

    وبعد ما غنى له منير


    حتى حتى

    طب خدينى فى ريح طيفك
    حتى حتى فى ديل كيفك
    دة انتى مليا الشوق ملوة
    نفسة لويلمس طراطيفك
    غصب عنى بنام صاحى
    اصحى نايم زى جراحى
    نامى بس انتى وارتاحى
    نبقى نتحنى بتلطيفك
    قولى انى بعيش ليك
    ايوة بل انى بموت فيكى
    لونك النيلى وعنيكى
    طوعت روحى لتصريفك
    مش هاممنى الكون هادى
    ولا زحمة الكون عادى
    كل همى انك تتراضى
    دة الحياة جنة بتشريفك
    طب خدينى فى ريح طيفك
    حتى حتى فى ديل كيفك
    دة انتى مليا الشوق ملوة
    نفسة لويلمس طراطيفك
    واة بـابــا

    واه بابا هدى هدى واه بابا مش بيدى
    من النجمة الجى المنى مستنــى
    غنى انتى النسيـم تغنى
    غنوتـى انتـى الى جوة منـى
    وفولـى ليـة تطبطب ع الاه
    دى تبطبطهـا تطببهـا
    غنى قلبـى وروحى معاه
    تطير الاحـلام فوق فوق
    نطل علـى بكرة وتفوق
    معاهـا ايامى هتروق
    سبنى الوعد الى بعيش فية
    حب اخترتـة ومبصوت بيـه

    دى الرحمة الى الصبر بعتهـا
    فى عبايـة الشروق لقيتهـا
    نستنى بنعنشتهـا
    يحقلـى والكون زعابيب
    ادوب فى طيفها فى الدباديب
    خصرها وقلبـى الحبيب
    تصور الااتـى مشـروح
    بشمس حبـى ترد الروح
    دى فرفشتنى على المفتوح


    من الرسمة الى فى حجع سحرنى
    لشقاوة الجمال فى الننى
    لرموشها الموشوشنى
    لخدها الملمـس فنان
    لقلبها احلى الاوطان
    كلها كل الالوان
    مقدر الحلوين بلكوم
    لكن دى غير كل المعلوم
    اجادة الطيران والعوم
    سبنى للوعد الى بعيش فـيـة
    حب اخترتة ومبصوت بية
    واة بابا هدى هدى واة بابا مش بيدى


    لو بطلنا نحلم نموت

    لو بطلنا نحلم نموت لو عاندنا نقدر نفوت
    لو عدينا مرة خلاص لو ردينا ضاع الخلاص
    حبة صبر حبة حماس يبقى الحلم صورة وصوت
    لو بطلنا نحلم نموت
    ***
    حضن فى غربة ملمس مثير
    بعد مشاغبة هترقلك
    مرة فى مرة حاول كتير
    اى مغامرة راح تنفعك
    وقت الحلم وقتة فى سكوت
    لو بطلنا نحلم نموت
    ***
    رقصة شهية هية الحياة
    دى العشقية والمعشقة
    مرة فى مرة حلمك هواة
    يملى الدنيا بلزقزقة
    ويبقى الحلم صورة وصوت
    لو بطلنا نحلم نموت


    سحر المغنى

    سحر المغنى في قلبه جمعنا روح بتغني لروح
    نور مشاعرنا لحن واخدنا واحنا معاه بنروح
    لما نغني سوا بنحني حلم مداه مفتوح
    واحنا معاه بنروح
    ***
    على كيفك على كيفك همس الكلام واصل
    فبن روحك مع روحِك عمر الغنى مواصل
    يفرح يقوم ضاحك يحلم يكون فالك
    روح الغنى احنا واحنا الغنى روحنا
    ***
    دي ملاعبة دي مصاحبة انا في الغنى الرايق
    اه يا ليلي اه يا عيني صحبة وانا عاشق
    من القلب شوق طارح
    هو النغم سارح كل الوجود غنى كأنها جنة
    سحر المغنى في قلبه جمعنا
    روح بتغني لروح نور مشاعرنا لحن واخدنا
    واحنا معاه بنروح لما نغني سوا بنحني
    حلم مداه مفتوح واحنا معاه بنروح

    الطول واللون والحرية

    مش عايز احبك مش عايز مش داخل سجنك مش جايز
    مش عايز اموت فيكي وفيكي
    ده انا اموت في عنيكي من غمزه
    انا عارف نفسي وتلكيكي
    هعشق لياليكي من لمسه
    ***
    ده انا انسي في شافيفك اسمي
    دانا فاهم في كنوز العفه
    دانا ممكن اجريلك دمي
    انا حاسس دمي هيتصفي
    مش عايز احبك مش عايز مش داخل سجنك مش جايز
    ***
    بالظبط الشعر الى بحبه
    الطول واللون والحريه
    ده مهفهف علي وشك لعبه
    هاوصفلك ايه يغمي عليه
    مش عايز احبك مش عايز مش داخل سجنك مش جايز

    وكمان على الحجارفي قلب الليل ..و عزف الصمت متهادي كموج النيل
    في قلب الليل..و برد الخوف بيتكتك سنان الخيل
    وما في حد في الشارع ..سوى مهر اتربط جازع
    وشجرة صنت..و أنا… والصمت
    وبرد الليل..و خوف الليل
    وصهل المهر لم أفهم ..أخوف مني أم اتعاجب
    سألت المهر لم يفهم.. كلام مني و لا جاوب
    وكان في عينيه .. بريق مني ..كأنه كان بيسألني
    وقفت أنظر له ينظرلي ..وأنظر له و ينظرلي
    ولما صار كما خلي..فتحنا ابواب حكاوينا
    وتهنا في أغانينا ..في برد الليل
    وخوف الليل ..و حزن الليل
    وكان في جيده قيد جارحه
    وقيد في جيدي ما لمحه
    لكن حسه ..أكيد حسه
    وفجأة لقينا أحلامنا ..وصهل الفجر في عيوننا
    مسكت قيوده فكيتها ..صهل بمعاني… حسيتها
    وصار يجري.. و ينساني…
    و صار يجري و ينساني ..وأنا بجري في طريق تاني
    في برد الليل
    وخوف الليل
    وحزن الليل
    وبعد كتير…
    في ليل تاني
    لقيته لوحده من تاني
    في جيده وايده قيد تاني
    صهل تاني…
    ماردتش!
    وباقي لوحدي انا بامشي
    في برد الليل
    و خوف الليل
    و حزن الليل


    * ولد عصام عبدالله بمحافظة الفيوم فى 14/10/1955 لأب يعمل مهندس ميكانيكا فى مدارس الصناعة التابعة لوزارة التربية والتعليم
    * بدأ الكتابة لعلى الحجار فى قلب الليل وروحى فيك تروح .
    * وقدم مع محمد منير ووه بابا و حتى .. حتى و لو بطلنا نحلم نموت وسحر المغنى و الطول واللون والحرية .
    * تعاون ايضا مع أنغام فى " وحدانية " وقصيدة " من بعيد " . ومع محمد الحلو " يا بوى يامصر اما الواحد بيحبك حب " ومع ايمان البحر درويش فى " عرفتينى " وتعامل ايضا فرقة المصريين ومحمد فؤاد وعمرو دياب .
    * وكان عمله فى مجال الاعلانات وهو العمل الاساسى تعامل فيه مع المخرجين طارق نور وشريف صبرى ومحمد ابو سيف
    *متزوج من السيدة سيفتاب جابى وله ابنة وحيدة هى مريم
    * توفى يوم عيد الام 1996 بعد ان اعد هدية عيد الام وقرر السفر اليها فى مسقط رأسه فى الفيوم

    بحثت عن هذا العبقرى ولم اجد الا حقيقة واحدة ان العظماء ليس لهم مكان على الارض
    رحم الله عصام عبدالله وادخله فسيح جناته بقدر ماغرس فى نفوس الناس من امل وحلم


    وانتظرو قصة حياة عصام عبدالله فى كتاب شعراء محمد منير
    _______
    [/size][/size]


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]

    qurta_home
    المدير العام
    المدير العام

    عدد الرسائل : 370
    العمر : 33
    المزاج :
    تاريخ التسجيل : 14/11/2007

    default رد: ذكري عصام عبدالله

    مُساهمة من طرف qurta_home في الأحد أبريل 26, 2009 7:04 am

    رحمه الله

      الوقت/التاريخ الآن هو الخميس ديسمبر 14, 2017 11:42 am